Haddii Aad Qiimaha Gareth Bale La Yaabaneyd Real Waxay Hadda £97m Miiska U Saartay Mashiinka  Gool dhalinta  Premier League!!!

Kooxda Ku Cayaarto Garoonka Bernabeu ayaa rabto inay jajabiso iskoorka Suuqa kala iibsiga, ka gadaal markii ay dalab la yaab leh u dirtay Mashiinka Gool dhalinta  Horyaalka Premier League .

Real Madrid ayaa diyaar u ahay inay iskoor cusub u dhigto Suuqa Iyadoo Miiska Soo Saartay Adduunka lacageed oo gaaraya ilaa  €110m (£97m) si ay u qaadato weeraryahanka goolka dariska la ah ee Luiz Suarez .

Website-ka CaughtOffside oo qoray warbixintaan ayaa sheegay in Madaxweynaha Real Madrid Florentino Pere ay ka go’an tahay inuu 27 Jirkaan u dhashay dalka Uruguay kusoo daro xidigaha Real Madrid, Iyadoo Macalin Carlo Ancelotti uu sheegay inuu Suarez ku darsaday Buugga Xidigaha Real kana codsaday Liverpool inay aqbasho dalabkaan Lacagta Xambaarsan.

Perez ayaa fiiro gaar ah ku hayo xidigaan isagoo jecel inuu mar kale iskoor cusub u dhigo suuqa kala iibsiga Maadaama uu £85m horay uga bixiyey Xidigii hore ee Kooxda Tottenham Gareth Bale.

Ancelotti iyo Perez ayaa ku mideysan inay Kooxda Real Madrid weerarkeeda Kusoo daraan Suarez si Real ay awood dheeri ah usoo bandhigto Sanadka Dambe maadaama Xilligaan ay dhamaatay rajadii ay horyaalka ka laheyd , iyagoo rajo ka leh inuu ka garab cayaaro  Bale iyo Ronaldo.

inkastoo Suarez uu macquul ka dhigay inuu aado Real Madrid, Haddana kooxda Liverpool ayaan la ogeyn go’aanka ay ka qaadan doonto dalabkaan dunida qalqalka geliyey.

Luis Suarez ayaa dhaliyey 31 Gool 32 Kulan oo katirsan Horyaalka Premier League Xilli cayaareedkaan, inta badan waxaa goolashiisa ku caawiyey kabtankiisa Steven Gerrard.

Ugu dambeyntii Real Madrid ayaa dooneysa inay u rumowdo riyada ay ku dooneyso Suarez waxayna rajo fiican ka muujisay jawaabta ay Liverpool ka bixin doonto Dalabkaan.

Sawirkaan wuxuu muujinayaa warbixintaan meesha aan kasoo xiganay

Abbas Ali Hassan

More Posts - Website