Weeraryahanka Xulka England iyo Kooxda Man United Wayne Rooney ayaa cadeeyay inuu ku faraxsananaan lahaa hadii Xiriirka FA-ga ay Xulka England u dhiibi lahayeen Macalin Harry Redknapp.
Redknapp ayaa soo saaray buug qaali ah isbuucaan kaas oo lagu faafiyay Jariiradda Sportsmail waxaana uu helay fariin qoraaledyo badan oo uu ka helayo Xidigaha Xulka England.
Rooney ayaa cadeeyay in Harry Redknapp uu ku wacnaan lahaa shaqada England isla markaan Wayne ayaa qiray in uu mar walba jecelaa inuu macalin u noqdo Harry.
Sidoo Kale Wayne Rooney ayaa ka hadlay macalin Roy Hodgson isla mrkaana wuxuu sheegay inuu yahay shaqsiga ku haboon shaqada England xiligaan.
“Mar Walba oo aan kasoo hor imado Tottenham Hotspur ama QPR, waxaan dareemi jiray farxad madama aan ka hor imanayo shaqsi aan aad u qiimeeyo” ayuu Rooney ku waramay.
Harry Redknapp ayaa ku dhawaaday inuu noqdo macalinka Xulka England, February 2012 markaas oo Capello laga diray xulka balse Hodgson ayaa xilgaas loo magacaabay.
