Louis Van Gaal Oo Loo Gacan Galiyay £200 Malyan & Liiska Xidigaha Uu Doonayo Oo Lasoo Bandhigay

Tababare Louis Van Gaal ayaa heli doona 6 Malyan Oo Euro sanadkii inta uu tababaraha u yahay kooxda Manchester United isagoo u saxiixay heshiis 3-sano ah si uu kooxda ugu caawiyo iney dhigto taariikh hor leh kadib Sir Alex Ferguson.

Ninkaan reer Holland ayaa loo magacaabay inuu badal guuleysto u noqdo tababarihii fashilmay ee David Moyes kaas oo kooxda u hogaamiyay xili ciyaareedii ugu xumaa 24-kii sano ee laso dhaafay.

Louis Van Gaal ayaa durbadiiba ku xigeen u magacaabay Ryan Giggs, tasoo sabab u noqotay in halyeeygii Manchester United iy xulka Wales uu faarujiyo garoomada kubada cagta.

Tababaraha Cusub ee Manchester United Louis Van Gaal

Caawiyaha Tababare Van Gaal & Xidigii Hore Xulka Wales iyo Kooxda Manchester United Ryan Giggs

Lama Hubo: Mustaqbalka Neville iyo Scholes ee Man United ula sii shaqeyn karaan oo wali aan la hubin

Kooxda ka dhisan magaalada Manchester ayaan wali go’aan ka gaarin hadii ay kooxda lasii shaqeyn karaan sadexda xidig ee wiilashii 92-dii ka md ah: Scholes, Butt & Neville.

Shaqada Louis Van Gaal ee Manchester United ayaa bilaaban doonta kadib koobka Aduunka inkastoo laga yaabo inuu si hordhac ah u bilawdo hadii xulkiisa uu ku fashilmo iney u gudbaan wareegyada dambe ee koobka.

Hadaba Macalinkaan reer Holland ayaa heysta Liis dheer oo ay ku qoran yihiin xidigo badan hadaba yaa ka mid ah:

1. KEVIN STROOTMAN 

Kooxda: Roma,  Qiimaha: £25m

2. CESC FABREGAS 

Kooxda; Barcelona, Qiimaha: £45m

3. TONI KROOS 

Kooxda: Bayern Munich, Qiimaha: £18m

4. MATS HUMMELS 

Kooxda: Borussia Dortmund, Qiimaha: £20m

5. HOLGER BADSTUBER 

Kooxda: Bayern Munich, Qiimaha: £15m

6. LUKE SHAW 

Kooxda: Southampton, Qiimaha: £27m,

7. SEBASTIAN JUNG 

Kooxda: Eintracht Frankfurt, Qiimaha: £7m

8. ARJEN ROBBEN

Kooxda: Bayern Munich, Qiimaha: £22m

Tababare Van Gaal ayaa isku diyaarinaya inuu dhiso koox xoog badan isla markaana meel sare ka gaartay horyaalka Ingiriiska xili ciyaareedka soo aadan.

In la helo tiro intaas la eg oo xidigo ah hadana sumcad iyo magac ku leh aduunyada kubada cagta wey adag tahay waase la arki doonaa sida uu Van Gaal uga dhabeeyo kooxdiisa riyada ee Manchester United.

Abdirashid Mohamud Nor "SHarDinHO"

Waa Tifaftiraha & Madaxa Shaqaalaha Shabakadda Ciyaaraha Hiilkubad, Sidoo kalana Waa Tifaftiraha Wargeyska Horyaal Sports ee kasoo baxa Magaalada Muqdisho.

More Posts - Website