Tababaraha Arsenal ayaa go’aan rasmi ah ka gaaray mustaqbalkiisa hawada marayay ee kooxda Arsenal kadib markii uu kooxda ka saaray abaartii koob la’aan ee heysatay kooxda mudooyinkii lasoo dhaafay kadib markii ay 3-2 kaga qaadeen koobka FA Cupka kooxda Hull City.
Gunners ayaa soo afjartay 9-sano oo aysan sameyn dabaal dag caalami ah inkastoo qeybtii hore lagaga naxsaday 2-gool oo dag-dag hadana ciyaarta ayaa noqotay in la isla gaaro 120-daqiiqo taasoo ugu dambeyn Arsenal siisay koobkii loo tattamayay.
Si Kastaba macalinkaan reer France Arsene Wenger ayaa go’aan rasmi ah qaatay oo u kusii joogayo waqooyiga London isla markaana uusan meelna uga socon.
“Mar walba waxaan dhahayay mustaqbalkeyga kuma xirna guushaan, balse waan doonayay inaan sugo, balse waan aragnay sida ay sheekada noqotay, waana joogi doonaa halkaan” Ayuu Wenger yiri.
Arsenal ayaa sido kale carbuunatay booskooda Champions League xili ciyaareedka soo aadan madama ay ku dhameysatay kaalinta Afaraad ee horyaalka.
