Madaxweynaha FIFA Sepp Blatter ayaa kasoo muuqday television laga leeyahay wadanka Switzlerland isagoo dhaleeceeyay in Wadanka Qadar loo doorto martigalinta koobka Aduunka sanadka 2022-ka.
Blatter ayaa ku waramay in ay tahay markii ugu horeysay oo ay qalad gashay hay’adda uu madaxda ka yahay ee FIFA madama ay martigalinta koobka Aduunka 2022-ka u dooratay wadanka Qadar.
Heerka kulka dalka qadar ayaa xiliyada [Xagaayaha] gaara 50°C waxaana arintaas wax laga weydiiyay Blatter balse madaxweynaha ayaa qiray in arinku yahay qalad ay gashay hay’adiisa.
“Haa, Haa Dabcan” ayuu u sheegay Blatter TV-ga RTS.
“Waad ogtahay, qof walba wuxuu sameeyaa qalad inta uu nool yahay”
Arintaan ayaa sare u qaadeysa walwalka ay Qadar ka qabto in laga wareejiyo martigalinta koobka Aduunka ee wadankaas lagu qaban doono 8-sano kadib, Australia, USA, Japan & Korea ayaana diyaar u ah iney martigaliyaan.
Qoraaga Daily Mirror Nigel Thampson oo booqday Qatar ayaa amaanay hawada halkaas marka la joogo xiliga Jiilaalka wuxuuna qiray in hawada Jiilaalka ee Qatar ay u wacan tahay sida hawada UK ay u wacan tahay xiliga Xagaayaha, taasoo ka dhigan in hawada Xagaayaha ee Qatar aysan wanaagsaneen.
