Luis Suarez ayaa dagaal loogu jiraa sidii uu uga qeyb qaadan lahaa kulanka ay xulkiisan Uruguay la yeelan doonaan dhigooda Egnland kadib markii qaliin looga sameeyey Jilbika Khamiistii Shalay Markii uu ku dhaawcmay tababarka Xulkiisa Uruguay.
Weeraryahanka Kooxda Liverpool ayaa shaki la gelinaayey suurta gelinimada inuu cayaaro koobka Adduunka kadib markii uu ku dhaawacmay tababarka uu xulkiisa kula qaadanaayey Caasimadda Montevidoe Subixii hore ee khamiistii shalay.
Dhaawaca Suarez ayaa markii hore la sheegay inuu garoomadda uga maqnaan doono muddo bil laakiin war kale ayaa kaba yimid oo sheegaya inuu maqnaan doono kulanka ugu horeeya Xulkiisa ay la yeelan doonaan Costa Rica oo ay iskula jiraan Group D.
Kooxaha Warbaahinta iyo taageerayaal ayaa isugu soo aruuray afaafka hore ee Isbitaalka la geeyey Xidigaan isagoo saaran kursiga cuuryaamiinta.
Dhakhtarka Xulka Qaranka Uruguay Alberto Pan ayaa lagu wadaa inuu maanta gelinka dambe shir Jaraa’id qabto isagoo faahfaahin dheeri ah ka bixin doono dhaawaca Suarez iyo waqtiga rasmiga ah oo uu caafimaadi doono.
Liverpool ayaa ku kalsoon inuu Suarez Heysto dhakhaatiir ku filan daaweyntiisa uusanna u baahneyn in loo diro dhakhaatiir ka socota kooxda Liverpool Laakiin ay si dhaw ula socon doonaan dhaawiciisa.
Inkastoo Suarez uusan safan doonin kulanka Xulkiisa uu la yeelan doono Costa Rice 14 June, laakiin waxaa la rajeenayaa inuu diyaar u noqdo Kulanka England ee lagu qaban doono San Paulo 19 June.
c kariim Qalinle
May 23, 2014 at 10:52 AM
Waa waray maba socon karo miyaane odayga dhaawaciisa halis ayuu ubadanyahay ——get well soon suarez