Layaab ma lahan in Manchester United ay xili ciyaareedkaan jabiso rikooro hoos u dhac ah madama kooxda ay ku jirto kaalinta 7-aad waana markii ugu horeysay oo ay heerkaan oo kale gaarto mudo 24-sano ah balse haatan waxaa David Moyes uu dhigay rikoor nasiib daro ah.
Manchester United ayaa noqotay kooxda kaliya ee ka mid ah kooxaha ugu waaweyn England taas oo lumisay lix kulan iyadoo guuldarooyin ka heshay kooxaha dariska la ah ee ka dhisan Koonfur Galbeed dalka Ingiriiska.
Liverpool, Everton iyo Manchester City ayaa ka xayuubsaday Manchester 18-dhibcood taasoo ka dhigan in markii ugu horeysay ay Manchester United soo wajahday ceebta intaan la eg.
Sidoo kale waa markii ugu horeysay oo ay Man United guuldarooyin minanka iyo martiba ka hesho hal xili ciyaareed kooxda ka dhisan gobolka Mereyside-ka ee Liverpol, sidaas si la eg Everton ayaa guuldaro laba leexdin ah ku dhajisay Man United tan iyo xili ciyareedkii 1969-1970.
Inkastoo xaalada Man United ay iska liidato hadana waa wax culus in Jamaahiirta Man United ay adkeysi u yeeshaan xaalada ay gashay kooxda taasoo jabisay rikooro aan loo baahneyn.
Everton 2 – 0 Man United
Man United 0 – 1 Everton
Manchester City 3 – 0 Manchester United
Manchester United 4 – 1 Manchester City
Liverpool 1 – 0 Man United
Man United 0 – 3 Liverpool
Log in- Posts -
Add New
-
Designed by Nuuneyare Facesom
Copy Protected by Chetans WP-Copyprotect.