Weeraryahanka naadiga Chelsea Romelu Lukaku ayaa lagu wadaa xagaagan inuu mustaqbalkiisa cayaared kasii wato Serie A-da dalka Talyaaniga waxaana la helay xog la isku haleen karo taas oo tilmaameyo in weeraryahankan dhalinta yar marka uu xulkiisa Belgium koobka aduunka kala qayb qaato kadib uu kooxda Juventus ku biiri doono, madaama Chelsea weli rajo ka qabto mustaqbalka inay Lukaku ka faa’iideesato waxay kooxda reer England Juve ku siin doontaa amaah oo kaliya balse lagama iibin doono.
21-jirkan labadii sano ee ugu dambeesay Premiership-ka England wuxuu ka dhaliyay 32-gool sidoo kalena xulkiisa Belgium si joogto ah ayuu ugu cayaaraa balse weli kalsooni buuxdo ma uusan ka helin macalin Jose Mourinho madaama Chelsea xagaagan ugu yaraan labo weeraryahan lasoo saxiixan doonto waxay ku qasbanaan doontaa inay Lukaku amaah ku siiso kooxda Juventus, inkastoo kooxda reer Talyaani iyadana heesato weeraryahano badan sida Carlos Tevez, Fernando Llorente iyo Mirko Vucinic hadana macalin Antonio Conte ayaa taageero weyn u ah Lukaku wuxuuna doonayaa inuu xili cayaareedka dambe lasoo shirtago Lukaku iyo Tevez taasi oo Juve u saamixi karto inay koobka horyaalada Yurub wacdaro xoogan ka dhigto.
