Home » Maxaa Cusub » Liverpool Oo Arsenal Kula Tartameysa Saxiixa Klaas-Jan Huntelaar & Suarez Oo Ku Dhaw Inuu Tago

Liverpool Oo Arsenal Kula Tartameysa Saxiixa Klaas-Jan Huntelaar & Suarez Oo Ku Dhaw Inuu Tago


Klaas-Jan Huntelaar

Kooxda Liverpool ee ka dhisan dalka Ingiriiska ayaa diyaar u ah iney dhigeeda Arsenal kula xifaaltanto saxiixa weeraryahanka Schalke 04 iyo xulka Holland Klaas-Jan Huntelaar.

Wararka ka imaanaya dalka Holland ayaa qeexaya in Liverpool ay dooneyso saxiixa xidigaan si ay badal kaga dhigto Luis Suarez oo u muuqda inuu ku biiro kooxda Barcelona ee ka dhisan dalka Spain.

Arsenal ayaa mudo dheer ku raad joogtay Hunterlaar iyadoo ay jireen wararka qaar kuwaas oo Arsenal la xiriiriinaya weeraryahanada Jackson Martinez, Mario Mandzukic, Loic Remy, Mario Balotelli &Karim Benzema.

Liverpool ayaa qudheeda xiligii uu ka tagay Carroll isku dayday iney lasoo wareegto balse xiligaas Huntelaar ayaa go’aansaday inuu sii joogo Schalke 04.

Si Kastaba Heshiiska Huntelaar uu kula jiro Schalke 04 ayaa galaya sanadkii ugu dambeeyay isagoon wax heshiis ah saxiixin, sidoo kale gudoomiyaha naadiga  Horst Heldt ayaa doonaya inuu ilaashado dhamaan xidigaha muhiimka ah sida Meyer, Draxler iyo Huntelaar.

30-jirkaan reer Holland ayaa ka mid ah xulka Holland ee taagan wareega 8-da koobka Aduunka isagoo masuul ka ahaa in wiilasha Van Gaal ay soo gaaraan Quater Finalka madama uu goolka guusha ka dhaliyay Mexico.

Abdirashid Mohamud Nor "SHarDinHO"

Waa Tifaftiraha & Madaxa Shaqaalaha Shabakadda Ciyaaraha Hiilkubad, Sidoo kalana Waa Tifaftiraha Wargeyska Horyaal Sports ee kasoo baxa Magaalada Muqdisho.

More Posts - Website

Close