Kooxda Juventus ee dalka talyaaniga ayaa isha ku heysa kubad sameeyaha kooxda Fulham Patjim Kasami sida ay qirtay jariiradda Goal.com.
21-jirkaan heerka caalami ayaa ku biiray kooxda Fulham ee ka ciyaarta Premier League 2011 isagoo u saftay 17-kulan, wuxuuna haatan xiligii dambe qaab amah ah ku bixiyay kooxda dhulkiisa hooyo FC Luzern.
Si Kasta xdigaan ayaa xili ciyaareedkaan ku raaxeysayana garoonka Craven Cottage kadib markii uu 6-kulan saftay 7-dii kulan ee horyaalka ay ciyaartay.
Sidoo kale xidigaan heerka caalami ayaa looga yeray xulka Switzerland kulamadii isreeb-reebka koobka aduunka ee Albania iyo Slovenia ee ka tirsanaa Group E.
Xiisaha Juventus ayaa dhabar jab u ah Martin Jol hadii uu lumiyo xidigaan madama ay ku bilaabeen horyaalka habacsanaan iyagoo fadhiya kalinta 17-aad ee horyaalka waxeyna leeyihin kaliya 7-dhibcood.
Patjim Kasami ayaa aqoon u leh horyaalka talyaaniga wuxuuna hal sano kusoo qarash gareeyay kooxda Palermo.
