Tababaraha kooxda Chelsea Jose Mourinho ayaa weeraray daafaca xulka Portugal Pepe kaas oo hab dhaqan xun ku dhaqmay kulankii ay Portugal xasuuqa kala kulantay Jarmalka kulankii furitaanka Group G markii 4-0 lagu xaaqay.
Pepe ayaa qalad muuqda ka galay Thomas Muller oo ka hor qalad uu xifaaltan kubadeed dhexmaray balse Pepe ayaa dib usoo jaleecay Muller oo dhula fadhiya kadibna hertiyay, taasoo garsooraha ku qasabtay inuu kaarka guduudan siiyo kana diro ciyaarta xili ciyaarta ay aheyd mid ay Jarmalku ku horkacayaan 2-0.
Tababare Jose Mourinho ayaa ku tilmaamay Pepe shaqsi aan laheyn isku filnaasho iyo masuuliyad, isla markaana aan la dhihin karin waa shaqsi Pourtuguese ah.
Sidoo kale Jose ayaa Pepe ku eedeeyay inuu masuul ka ahaa in la dhaliyo goolka labaad ee uu Hummels dhaliyay kaas oo laga dhaliyay booskiisa.
“Waxaan u maleynayaa in goolkii labaad uu si cad canaan ugu lahaa, madama uu lumiyay xiriirka uu la sameynayay xidiga kasoo horjeeda ee Hummels, gabi ahaanba isaga ayaa xaq u lahaa inuu la xiriiro Hummels balse Khedira ayuu ku dhaafay kaas oo isna awoodi waayay inuu celiyo goolka labaad ee Hummels”
“Laga yaabee inuusan u qalmin kaar cas oo toos ah balse, ma aheyn gardaro cad ee waxey ka aheyd luqad jireed uu u muujiyay inuu ka xun yahay ficilka Muller”
“Xaqiiqdii ma ahan xidig Portuguese ah, sababtoo ah wuxuu cadaadis badan galiyay kooxda”
