Sanadkan waa sanadkii dalalka Koonfur Ameerika madaama FIFA World Cup lagu qaban doono qaaradooda waayo soo jireen waxaa ah in markii Koonfur Ameerika tartankan lagu qabto wadan ka dhisao qaaradan ayaa koobka la caraabo sidaa darteed reer Argentina waxay aaminsan yihiin in sanadkan nasiibka u hiilin doono sidoo kalena Lionel Messi uu ugu dambeynti hurdada ka kici doono madaama tartamada heerka caalami xidigan weli uusan mucjisadiisa kusoo bandhigin waxaa intaa sii dheer xulka Argentina haatan xiligii ugu wanaagsanaa ayuu ku jiraa madaama sanadihii ugu dambeeyay ay guulo xariir ah gaarayeen sidoo kalena xulal awood badan ayay kulamo saaxiibtinimo meel ku saareen hadaba Argentina ka filo xagaagan inay koobka aduunka wacdaro ka dhigaan.
Macalinka xulkan waato: Alejandro Sabella tababarahan xariifka ah wuxuu hogaanka Argentina la wareegay sanadii 2011 balse Sabella wuxuu ku guuleestay inu xulkan awoodiisa dib usoo celiyo sidoo kalena qaab difaac adag sameeyo kaasi oo ku dheehan kubad weerar celis ah ku dheehan, sidoo kale macalinkan waaya araga ah wuxuu kasoo shaqeeyay dalka England asigoo macalin horey ugu soo noqday naadiyada Sheffield United iyo Leeds United, sidoo kalena naadiga Estudiantes ee ka dhisan Argentina ayuu macalin u ahaa waxaana la filaa inuu xulkan guulo taariikhi ah xagaagan u horseedo.
Xidigaha ugu muhiimsan: Lionel Messi, Sergio Aguero & Di Maria
Xidiga dhalinta yar ee la filaayo inay wacdaro muujiyo: Marcos Rojo waa 23-jir daafaca kaga cayaaro naadiga Sporing Lisbon.
Shaxda ay xulkan cayaari doonaan: 4-3-3
Inta jeer oo ay koobka aduunka ka qayb qaateen: 15-jeer
Imisa jeer ayay ku guuleesteen: 2
Xidigahii ugu caansanaa ee xulkan maliyadiisa xirteen: Daniel Passarella, Diego Maradona, Gabriel Batistuta, Mario Kempes
Kulamada saaxiibtinimo oo ay cayaari doonaan ka hor inta uusan koobka aduunka bilaabanin:
4 June Argentina Vs Trinidad and Tobago (La Plata, Argentina)
7 June Argentina vs Slovenia (Buenos Aires, Argentina)
Line Up-ka macquulka ah oo ay koobka aduunka ku bilaaban doonaan:
Kulamada ay qaybta guruubyada cayaari doonaan:
Argentina vs Bosnia-Hercegovina – (15 June)
Argentina vs Iran – (21 June)
Argentina vs Nigeria – (25 June)
23-ka xidig ee macquulka ah ee uu tababare Sabella la rajeynaayo inuu ku dhawaaqi doono ka hor 13-ka bishan May u xulan doono koobka aduunka
| Cayaaryahan | Naadi | |
| 1 | Sergio Romero | Monaco |
| 2 | Mariano Andujar | Catania |
| 3 | Agustin Orion | Boca Juniors |
| 4 | Pablo Zabaleta | Manchester City |
| 5 | Federico Fernandez | Napoli |
| 6 | Marcos Rojo | Sporting Libson |
| 7 | Ezequiel Garay | Benfica |
| 8 | Nicolas Otamendi | Atletico Mineiro |
| 9 | Hugo Campagnaro | Inter Milan |
| 10 | Lisandro Lopez | Getafe |
| 11 | Maria Basanta | Monterrey |
| 12 | Javier Mascherano | FC Barcelona |
| 13 | Fernando Gago | Boca Juniors |
| 14 | Angel di Maria | Real Madrid |
| 15 | Ever Banega | Newell’s Old Boys |
| 16 | Maxi Rodriguez | Newell’s Old Boys |
| 17 | Erik Lamela | Tottenham |
| 18 | Ezequiel Lavezzi | PSG |
| 19 | Jose Sosa | Atletico Madrid |
| 20 | Lionel Messi | FC Barcelona |
| 21 | Sergio Aguero | Manchester City |
| 22 | Gonzalo Higuain | Napoli |
| 23 | Carlos Tevez | Juventus |
