Kooxda Elman ayaa guul muhiim ah ku bilowday horyaalka heerka koowaad ee dalkeena Soomaaliya kadib markii ay 2-3 ku dhaafeen kooxda Horseed kulankii furitaanka horyaalka ee maanta ka dhacay garoonka Benaadir Stadium.
Wuxuu ahaa kulankii ugu horeeyay, waxaana Elman ay lasoo shirtagtay afar ajaanib ah oo u kala dhashay Uganda iyo Nigeria kuwaas oo ay dooneyso iney ku dagaalanto xili ciyaareedkaan.
Guushaan ay gaartay Elman ayaa kaga dhigan iney hogaanka horyaalka haatan heyso iyadoo leh 3-dhibcood, waxaana ciyaarta hogaankeeda qabtay Horseed inkastoo Elman ay heshay barbaro ka hor dhamaadka qeybta hore ciyaarta.
Qeybta hore ciyaarta ayaana lagu kala nastay 1-1, inkastoo markii la isku soo noqday Elman ay dhalisay 2-gool, halka Horseed ay heshay 1-gool.
Ugu dambeyntiina Waa Guushii Afaraad oo ay Elman ka gaarto Horseed 7-dii kulan ee ugu dambeysay oo ay labada kooxood is arkeen.
Sacad Saalax Xuseen oo ahaa kabtankii hogaaminayay Elman galabta ayaana dhaliyay goolkiisii 7-aad oo uu ka dhaliyo Horseed, 7-dii kulan ee ugu dambeysay.
Standings provided by 