Weeraryahanka Manchester United Danny Welbeck ayaa qarka u saaran inuu waayo kulana furitaanka groupka D ee uu xulkiisa la yeelan doono xulka ay aadka u xifaaltamaan ee Talyaaniga kulan dhici doona Jimcaha.
Danny Welbeck ayaa tababarka xulka uga baxay dhaawac soo gaaray talaadadii taasoo qasabtay inuu soo xaadiri waayo tababarkii arbacada ee xulka taasoo shaki weyn galisay inuu ka hor yimaado talyaaniga.
Xiriirka FA-ga ayaan ka hadlin dhaawaca Welbeck iyo inta ay qaadan doonto daaweyntiisa balse Raheem Sterling ayaa laga yaabaa inuu buuxiyo booskisia.
Waa dhibato hor leh oo usoo hoyatay tababare Roy Hodgson isagoo weynaya hubkii ugu weynaa oo uu adeegsan lahaa hakinta Andrea Pirlo oo ah miisaanka ugu culus ee xulka Azzurri ay ku duulaan.
