Xulka Colombia ayaa koobka aduunka daah fureen guushoodii ugu wanaagsaneed ebid waxayna 3-0 ku suul daareen dhigooda Greece oo kulankan awood dheeraad ah loo sheegtay, cayaartan ka tirsaneed qaybta C ayaa ku bilaabatay si dagan balse si guud waxaa maamulka ula wareegeen xidigaha reer Koonfur Ameerika waxaana goolkii ugu horeeyay Colombia u dhaliyay Pablo Armero cayaarta oo 5-daqiiqo socoto.
Qaybtii hore ee kulankan waxaa lagu kala nastay 1-0 oo balse markii la isku soo laabtay Colombia hogaankeeda ayay dheereesatay waxaana cayaarta 2-0 ka dhigay Teofilo Gutierrez daqiiqadii 58-aad xidigan weerarka ka cayaaro, inkastoo Greece ay dadaal badan muujiyeen hadana waxaa suura gali weesay inay iska soo gudaan labada gool ee looga naxsaday waxayna reer Greece aamineyn in guuldaradii 6-aad ay ku dhacday 7-kulan oo ay cayaareen taariikh ahaan koobka aduunka balse waxaa madax xanuun kusii riday xidiga laga daba dhacay James Rodriguez kaasi oo naadiga Monaco ka tirsan kubad sameeyahan ayaa daqiiqadii lagu daray cayaartan ka dhigay 3-0 waxayna noqotay guushaan midii ugu weyneed oo ay Colombia koobka aduunka ka helaan.
Xaqiiqo la xariirto kulankan:
Colombia Xidigaha u safnaayeen: Ospina, Zuniga, Zapata, Yepes, Armero (Arias 74), Sanchez Moreno, Aguilar (Mejia 69), Rodriguez, Cuadrado, Gutierrez (Martinez 76), Ibarbo.
Greece xidigaha safnaayeen: Karnezis, Manolas, Torosidis, Papastathopoulos, Holebas, Maniatis, Katsouranis, Kone (Karagounis 78), Salpingidis (Fetfatzidis 57), Gekas (Mitroglou 64), Samaras.
Waxaa kulankan xiisaha badan usoo daawasho tagtay: 57,174 oo taageero ah
