Qalalaasaha iyo dhibaatooyinka ciyaartoyda ka qeyb galeysa koobka ayaa isi soo taraya iyadoo ay la kulmayaan hanjabaadyo loo soo dhigayo bogagga is dhexgalka bulshada ee Twitterka iyo Facebook.
Dhamaadkii sanadkii hore waxaa lagu qalay dalka Brazil ciyaariyahan hore oo u dhashay dalka Brazil, waana dhaqan caadi ka ah Brazil iyo Latin America marka ay timaado in la is waxyeeleeyo.
Da’yarka Xulka Ingiriiska iyo Kooxda Everton Ross Barkley ayaa halis ugu jira inuu codsi u gudbiyo xiriirka FA-ga isagoo ka codsan doona inaan lagu darin liiska 23-ka xidig ee Xulka England kaga qeyb galaya koobka Aduunka madama xidigaan heerka caalami loogu hanjabay in la qali doono hadii uu yimaado dalka Brazil.
Mustaqbalka ciyaariyahankaan Everton ayaa soo ifaya iyadoo la filayo inuu koobka Aduunka u matalo xulka England balse arintaan ayaa cabsi galineysa xidigaan iyadoo walidkiisna aysan wali ka hadlin.
Arintaan ayaa walwal ku abuureysa xidigaha aduunka ee ka qeyb galaya koobka Aduunka kaas o bisha June sanadkaan ka bilaaban doona Brazil.
