Barcelona ayaa guul gaartay sadex kulan oo guuldaro ay kasoo gaartay sadex tartan oo kala duwan balse kulankeedii caawa ee Camp Nou ayey guul gaartay iyadoo 2-1 ku suldaartay kooxda Athletico Bilboa.
Lionel Messi ayaa shabaqa soo taabtay kaas oo dhaliyay goolkiisii 26-aad ee horyaalka waxaase bandhiga goolasha daah furay Aritz Aduriz oo ka tirsan Athetlico Bilboa daqiiqadii 49-aad ee qeybtii dambe isagoo hogaanka u dhiibay Bilboa.
Barcelona oo la yaaban halka laga heysto ayaa u mahad celineysa Pedro Rodriguez kaas oo barbardhaca u keenay kooxda ka dhisan gobolka Catalonia daqiiqadii 71-aad ee ciyaarta.
Sadex daqiiqo kadib Lionel Messi ayaa guul u sahlay Barcelona isagoo sadexda dhibcood farta ka saray markii uu dhaliyay goolka jooga ka riday Bilboa.
Barcelona ayaa haatan joogta booska labaad ee La Liga iyadoo leh 81-dhibcood waxeyna laba dhibcood ka sareysaa Real Madrid oo kulan u baaqsan yahay.
Atletico Madrid ayaana hogaanka u heysa La Liga iyadoo leh 85-dhibcood.
Log in- Posts -
Add New
-
Designed by Nuuneyare Facesom
Copy Protected by Chetans WP-Copyprotect.