Manchester United ayaan iskudayi doonin saxiixa kubad sameeyaha Barcelona Cesc Fabregas kaas oo ay sanadii hore ku fashilmeen kadib markii tababaraha cusub ee kooxda Louis Van Gaal uu cadeeyay in liiska xidigaha uu doonayo uusan ka mid aheyn xidigaan reer Spain.
27-jirkaan reer Spain ayaa loo badinayaa inuu dib ugu soo laaban doono horyaalka Ingiriiska kadib markii uu waji gabax kala kulmay kooxdiisa oo dooneysa iney iibiso, Arsenal iyo Man United ayaa isku heystay balse arinta ayaa ku ekaan doonta Arsenal madama Van Gaal uusan dooneyn Cesc.
Xili Ciyaareedkii lasoo dhaafay David Moyes ayaa si ba’an u baadi goobay xidigaan isagoo ku dalbaday 30 Malyan oo Pound inkastoo xidiga uu go’aansadya inuu sii joogo Camp Nou.
Tababare Van Gaal ayaana ka hadlay wararka ay saxaafada Ingiriiska ka qoreen Cesc, isagoo beeniyay in Cesc uu doonayo balse wuxuu qiray in kooxda ay dooneyso Luke Shaw iyo Matts Hummels iyo sidoo kale garabka reer Ukraine Yevhen Konoplyanka.
Shaw oo 18-jir ah ayaana qarka u saaran inuu ku biiro Manchester United inkastoo Hummels aysan wali kala hadlin kooxda Borrusia Dortmund.
