Tababaraha Xulka Ingiriiska Roy Hodgson ayaa amaan kala dul dhacay tababaraha reer France ee Kooxd Arsenal Arsene Wenger kaas oo abaal badan u galay Xulka Ingiriiska xili ciyaareedka sida uu ku waramay macalin Roy.
Wenger ayaa ka shaqeeyay in Jack Wilshere uu taam u noqdo koobka Aduunka ee ka dhici doona Brazil bisha soo aadan waxaana macalin Wenger uusan qatar galin nolosha Jack oo 22-jir ah kaas oo iyadoo kooxda ay u baahan tahay aan la ciyaarsiin.
Shalay ayey aheyd markii Jack Wilshere uu macalinkiisa u mahad celiyay waxaase maanta soo raacay macalin Roy Hodgson oo baahi weyn u qabay caafimaadka Jack Wilshere.
“Waligey kama walwalin Jack” Ayuu macalin Roy u sheegay warfidiyeenada.
“Jack Wuxuu weyneeyay [amaanay] macalin Wenger anigana waxaan jeclahay inaan ku raaco isla markaana amaano Wenger” ayuu mar kale yiri.
“Arsene Wenger wa macalin caaqil ah isla markaana isku dheeli tiran wuxuuna Jack u suuragaliyay inuu taam u noqdo koobka aduunka, waana waxyaabo uu jeclaay Jack” Ayuu hadalkiisa sii raaciyay.
“Waxaan u maleynayaa in Wenger uu kalkaaliso u nqodo Jack si uu taam ugu noqdo koobka Aduunka” Ayuu macalin Roy ku kaftamay.
Ugu dambeyntii macalin Roy ayaa soo dhaweeyay caafimaad qabka Jack oo taam u ah inuu aado Brazil bisha soo aadan.
