Tababare Arsene Wenger ayaa saxiixay heshiis cusub oo ku kacaya 24 Malyan Oo Pound isagoo sadex sano oo dheeraad ah sii joogi doona Emirates madama uu shalay qalinka ku duugay ilaa 2017 ayuuna baaqi kusii ahaan doonaa Waqooyiga London.
Macalinkaan reer France ayaa talaabo muhiim ah qaadi doona marka uu furmo suuqa kala iibsiga waxaana gacanta loo galin doona 100 Malyan si uu ciyaartoy ugu soo iibsado.
Wenger ayaa talaabadiisa koowaad qaadi doona isagoo u dhaqaaqay labada weerar ee Karim Benzeam iyo Loic Remy kuwas oo kooxda wax weyn ka badali kara sidoo kale kubad burburiyaha da’da yar ee xulka Jarmalka Lars Bentner.
Sidoo kale Arsene Wenger ayaa heysta liis badan oo aan la ogeyn sida ay ugu suura gali karto liiska uu Wenger doonayo waxaa ka mid ah sidoo kale:
Atsuto Uchida (Schalke) Callum Chambers (Southampton) Serge Aurier (Toulouse) Sadexdaan xidig waxaa midkood loo qaadan doonaa inuu badalo Bacary Sagna oo la rumeysan yahay inuu kooxda ka tagayo kadib koobka Aduunka.
Sidoo kale Wenger ayaa xiiseynaya daafaca dhexe ee Southampton Morgan Schneiderlin, Cesc Fabregas ayaa ka mid ah xidigaha la hada hayo iney Emirates imaan doonaan.
Weerararka waxaa la qariyay Alvaro Morata iyo Mario Mandzukic.
