Madaama dadka sadaaliyo cayaaraha ay haatan kooxda Man City aaminsan yihiin inay ku guuleesan doonto Premiership-ka England kadib markii todobaadkan Liverpool si lama filaan ah u sibxatay waxaa saxaafada la hadlay daafaca naadiga Man City Pablo Zabaleta oo ka dhawaajiyay in kooxdiisa ay diyaar u tahay hanashada Premiership-ka sidoo kalena ay xamili karto cadaadiska soo waji doono wuxuuna yiri “Labo sano ka hor ayay nasoo martay xaaladan oo kale si adag ayaan uga gudubnay waxaana ugu dambeyntii sare u qaadnay horyaalka sidaa darteed Man City haatan siweyn ayay u xamili kartaa cadaadiska soo wajihi doono waxaana diyaar u nahay inaan guuleesano 3-kulan ee Premiership-ka inooga harsan si aan ugu dambeyntii horyaalka aduunka ugu qiimaha badan u hanano”
Man City waxay ku guuleesatay Premiership-ka kulankii ugu dambeeyay xili cayaareedkii 2011/12 sidaa darteed Pablo Zabaleta ayaa aaminsan in sanadkan sheekadaas oo kale ay dhici doonto wuxuuna yiri “inkastoo haatan dhankeena horyaalka usoo jan jeersaday hadana Liverpool iyo Chelsea iyagana way ku guuleesan karaan sidaa darteed kulanka ugu dambeeyo horyaalka waxaa lagu kala bixi doona si la mid ah labo sano ka hor sidaan ku qaadnay waxaana rajeynaa mar labaad inuu nasiibka inoo hiilin doono” daafaca reer Argentina ayaa ka walaacsan halista kaga imaan karto naadiga Everton oo ay todobaadka nagu soo fool leh Man City la cayari doonto wuxuuna yiri “kulank Everton waa mid noogu adag waayo kooxdan kaalinta 4-aad ayaa damac kaga jiro sida darteed inaan garoonka Everton ku badino ma sahlano balse hadii aan midaas sameyno waa hubaal inaan horyaalka qaadi doono!”
