Sida ay ku warantay Daily Mail kooxaha ka wada dhisan dalka Ingiriiska ee Manchester City iyo Newcatle United ayaa xiiseynaya daafaca kooxda Stoke City Ryan Shawcross.
26-jirkaan daafaca kaga ciyaara Stoke ayaa loo magacaabay xidiga sanadka kooxda Stoke City kadib markii uu muujiyay dadaal dheeri ah xili ciyaareedkii haatan dhamaaday, balse sida ay soo warisay Daily Mail 12 Million ayuu kaga tagi karaa kooxda uu hogaamiyo.
Tababaraha haatan ee Stoke City Mark Hughes ayaan ogoleen inuu xidigaan iibiyo balse maamulka kooxda ayaan ka jeesan doonin lacagaha faraha badan ee xidigaan ay duldhigtay hadii midood Newcastle ama Man City ay la timaado 12-ka Million.
Si Kastaba Manchester City ayaa dooneysa iney ku daboosho xidigaan dhaleeceynta xiriirka FA-ga ee ah ineysan tixgelin xidigaha Ingiriiska ah inkastoo ganaax ay kusoo rogtay EUFA hadana sida ay shaaciyeen kama joogsan doonaan iney maal galin sameeyaan.
Ryan Shawcross qudhiisa wuxuu doonayaa naadi mansab sareeya isagoo jecel inuu kasoo muuqdo Champions League iyo Xulka England.
