Kooxda Man United ayaa badali doonto siyaasadeeda suuqa Yurub oo ay sanadihii ugu dambeesay gaabis ku socday sidaa darteed naadigan ku cayaarto garoonka Old Trafford ayaa sheegtay inay £60m kusoo iibsan doonto Paul Pogba oo haatan lagu tilmaamo laacibka khadka dhexe aduunka ugu wanaagsan.
Xidiga reer France ee sameenayo hormarka aan caadiga ahayn ayaa lagu wadaa inuu kooxdiisa Juventus xagaagan isaga hayaamo sidoo kalena maamulka kooxda reer Talyaani ma ahan dalabkan mid ay diidi karaan, waxaana naga xasuusin ah in labo sano ka hor Ma United xidigan uu si lacag la’aan ah kaga soo tagay balse maanta waxay dooneysaa inay ku iibsato lacag aan ebid lagu iibsanin cayaartooyda Premiership-ka ku sugan taariikh ahaan ama kasoo muuqatay.
Inkastoo xidigan saxiixiisa ay dadaal xoogan ugu jiraan kooxaha PSG, Real Madrid iyo Chelsea hadana Man United ayaa sheegtay inmaal maha nagu soo fool leh ay u diri doonto wafdi caalami ah magaalada Turin si ay wada xaajood ula furaan kooxda Juventus oo horey u sheegtay inay Pogba iibin doonto hadii miiska loo soo saaro dalab raali galiyo haatana wargesyada dalkaTalyaaniga waxay sadaalinayaan in 20-jirkan uusan Juve kasii mid ahaan doonin.
Sidoo kale Man United ayaa heesato £200m oo ay ugu tala gashay inay suuqa Yurub cayaartooy kaga soo gadato sidaa darteed macalin Van Gaal oo taageero weyn u ah Pogba ayaa maamulka United u sheegay lacagta ay hayaan inaysan waxba galin hadii xagaagan Pogba loo keeni waayo!
