Weeraryahanka xulka Jarmalka oo lagu wado inuu xulkiisa Jarmalka kala qayb qaato koobka aduunka ee dalka Brazil lagu qaban doono dhawaan ayaa go’aankiisa badalay wuxuuna saxaafada u sheegay Lukas Podolski inuu kooxdiisa Arsenal baaqi kusii ahaan doono sido kalena uu iska iloobau qorshihiisii ahaa inuu garoonka Emirates isaga baxsado, xidigan lugta bidix ku cayaaro aya aad uga careesnaa qabkii uu macalin Arsene Wenger ula dhaqmay xili cayaareedkii dhawaan soo idlaaday madaama ay aad u yareed kulamadii uu Arsenal si joogto ah ugu cayaaray wuxuuna xidigan yiri “waxaan ahayn cayaaryahan Arsenal ka tirsan sidoo kalena xagaagan Emirates kama tagi doono waxaana doonayaa inaan kooxdeyda koobab dheeri ah kula guuleesto marba hadii aan soo afjarnay abaartii dhanka koobabka ee mudada dheer na heesatay”
28-jirkan mudo labo sano ah ayuu Arsenal ku sugan yahay wuxuuna xili cayaareedkan kooxdiisa kula guuleestay FA Cup taasi ayaana sababtay inuu go’aankiisa badalo wuxuuna yiri “dabcan waan rabay inaan xagaagan go’aan ka qaato Arsenal balse guushii FA Cup-ka iyo jaceelka aan ka heesto taageerayasha ayaan wax walbo ku iloobay haatana waxaan siweyn ugu hanqal taagaa xili cayaareed dambe” Geeska kale xidigan waaya araga ah ayaa sheegay in sanadkan uu ku han weyn yahay inuu xulkiisa Jarmalka kula guuleesto koobka aduunka wuxuuna yiri “madaama aan koobkii 3-aad kala qayb qaadan doono xulkeyga ma ahan wax la aqbali karo ma sedexaad anigoo gacmo maran inaan kooba aduunka kasoo laabto waxaana ku rajo weynahay inaan sanadkan ku guuleesano koobka aduunka kalia dadaal farabadan iyo nasiib ayaan u baahanahay madaama aan marwalbo soo dhawaano”
