Liverpool Oo Qarka U Saaran Iney La Saxiixato Xidig Ka Tirsan Bayern Munich, Waa Kee?

Kooxda Liverpool ayaa ku dhaw iney la saxiixato garabka xulka Switzerland iyo Kooxda Bayern Munich Xherdan Shaqiri sida ay sheegayaan warbixino ka imaanaya dalka Ingiriiska.

Xidigaan reer Switzerland ayaa xalay dhaliyay sadexley kulan uu xulkiisa ugu soo saaray Wareega 16-ka koobka Aduunka waxaana haatan Liverpool ay wadaa qorshe balaaran oo ay xidigaan ku qabaneyso.

Sida uu shaaciyay Joornaaliistaha reer talyaani Gianluca Di Marzio wakiilka xidigaan oo ah walaalkiis ayaa UK kula kulmaya kooxda Liverpool waxeyna ka wada hadli doonaan sidii uu xidigaan garoonka Anfield ku imaan lahaa.

Xherdan Shaqiri oo 22-jir ah waxaa sidoo kale doonaya kooxaha Roma & Milan ee dalka talyaaniga, balse Liverpool ayaa haatan ugu cad-cad iney gacanta ku dhigto xidigaan.

Garabkii hore Kooxda Basel ayaa carar ka ah qidada macalin Pep Guardiola kaas oo xidigaan kursiga ugu roonaaday madama ay boosaskii joogaan Robben iyo Ribery.

Wararka qaar ee ka imaanaya gobolka Mereyside ayaa qeexaya in 16 Malyan Oo Pound ay Liverpool soo bandhigtay inkastoo laba sano ka hor uu xidigaan ku yimid Munich 10 Malyan oo Pound.

Abdirashid Mohamud Nor "SHarDinHO"

Waa Tifaftiraha & Madaxa Shaqaalaha Shabakadda Ciyaaraha Hiilkubad, Sidoo kalana Waa Tifaftiraha Wargeyska Horyaal Sports ee kasoo baxa Magaalada Muqdisho.

More Posts - Website