Kooxda Arsenal Oo Soo Bandhigtay Lacagaha Ay Ku Dooneyso Xidiga Chelsea Romelu Lukaku

Madaama la hubo in xagaagan kooxda Chelsea ay iibin doonto weeraryahanka dhalinta yar ee haatan amaah kula joogo naadiga Everton Romelu Lukaku sidaa darteed kooxda Arsenal ayaa kusoo biirtay loolanka loogu jiro saxiixa xidigan dhalinta yar weliba Arsenal waxay ku dooneysaa £28m waana lacagihii ugu badnee ee Chelsea dhagteeda ku dhaco taasi oo Lukaku lagu doonayo sida darteed wargesyada dalka England ugu caansan waxay saadaalinayaan in 20-jirkan uu xili cayaareedka dambe garoonka Emirates usoo dhaqaaqi doono inkastoo kooxaha Chelsea iyo Arsenal uusan ka dhaxeyni xiriir wanaagsan oo dhanka cayaartooy kala iibisga ku aadan.

Macalin Jose Mourinho horey ayuu u sheegay in Lukaku uusan qayb ka ahayn qorshahiisa xili cayaareedka dambe sidaa darteed Chelsea waxay ku qasbanaan doontaa lacagaha faraha badan oo ay Arsenal diyaar la tahay inay ka qaadato kuna soo iibsato weeraryahanada kale oo ay Blues dooneyso. Arsenal dhankeeda waxay dooneysaa inay ka faa’iideesato hormarka uu sameenayo xidigan dhalinta yar madaama xili cayaareedkii hore uu 17-gool u dhaliyay naadiga West Brom halka xili cayaareedkan 13-gool u dhaliyay kooxda Everton asigoo u saftay 26-kulan Premiership-ka wuxuuna dhanka dhalinta kaga wanaagsan yahay Olivier Giroud oo ah weeraryahanka kaliya ee Arsenal ku tiirsaneed labadii sano ee ugu dambeesay.