Kooxda Gunners ayaa galabta u safri doonta KC Stadium afar sano kadib iyadoo ay ugu dambeysay bishii March 2010 xili kooxda waqooyiga London ka dhisan ay dooneyso iney dhisto riyadeeda ka qeyb galka Champions League.
Guul ay ka gaartay West Ham Horyaalka, iyo usoo bixitaankeeda Finalka FA Cupka ayaa niyad sami u ah wiilasha Wenger kuwaas oo diyaar u ah iney booqdaan Hull City.
Dhanka kale Hull City ayaa gaartay guulo labadii kulan ee ugu dambeysay iyadoo 1-0 ku garaacday Swansea kulan ka tirsan Premier League halka ay 5-3 kaga gudubtay Sheffield United Semi Finalka FA Cupka.
YAA MAQAN, YAASE CIYAARAYA:
Arsenal waxaa xili ciyaareedkaan saameyn baahsan ku yeeshay dhaawacyo hareeyay xidigaha ugu muhiimsan. kaliya Mesut Ozil ayaa filanaya inuu kusoo laabto garoomada. sido kale Nacho Monrreal ayaa isna tababarka la qaatay kooxdiisa walow shaki la gainayo safashadiisa.
Jack Wilshere & Kieron Gibbs ayaa ka maqnaan doona Arsenal dhaawacyo darteed, halka xidigaha mudada dheer maqnaa ee Walcott, Diaby, Gnabry iyo Miyaichi ay wali xanuuanayaan.
Macalin Steve Bruce ayaa kaliya weyn doonta afar xidig oo dhaawac mudo dheer kaga maqan Alan McGregor, Robbie Brady, Paul McShane, iyo Joe Dudgeon.
MA OGTAHAY:
Waa Markii ugu horeysay oo ay Arsenal u safarto guriga Hull City tan iyo March 2010.
Arsenal iyo Hull ayaa kaliya taariikhdooda ciyaaray 5-kulan, afar Arsenal ayaa adkaatay halka 1 ay adkaatay Hull City.
Hull City kama aysan adkaan Arsenal tan iyo 1915-tii markaas oo ay ka gaartay guusha kaliya oo ay ka heysato.
Goolasha laga dhaliyay labadaan koox ayaa isku dhawaanaya [Arsenal 41] ayaa laga dhaliyay halka [Hull City] laga dhaliyay 40-gool.
OGEYSIISKA:
Kulanka: Hull City vs Arsenal
Garoonka: KC Stadium
Saacada: 4:05 Galabnimo Xiliga Geeska Afrika
LINE UPKA MACQUULKA AH:
Hull City: Harper; Rosenior, Figueroa, Chester, Davies; Livermore, Elmohamady, Meyler, Huddlestone; Jelavic, Long
Arsenal: Szczesny; Sagna, Vermaelen, Mertesacker, Koscielny; Ramsey, Cazorla, Arteta, Rosicky, Podolski; Giroud
C/raxmaan
April 20, 2014 at 8:38 AM
Gunners ha noqonina sida women united ee champions league usoo baxa waan ka tumeynaa hull city maanta