Cristiano Ronaldo ayaa gool caaqibo leh ku barbareeyay kooxda Valencia waqtigii dhimashada isagoo soo nooleeyay rajadii ay kooxda ka qabtay hanashada horyaalka Spain waxaana ka horeeyay guuldaro ay la kulantay Atletico Madrid oo ah kooxda hogaanka u heysa horyaalka.
Valencia oo madax xanuun ka qabta guuldaradii Europa League ayaa soo booqatay garoonka Bernabue ee magaalada Madrid, balse Jeremy Mathieu ayaa dhamaadkii qeybta hore gool madax ah ka dhaliyay Kooxda Real Madrid, taasoo sababtay in qeybta hore lagu kala maro 1-0 oo ay hogaanka ku heyso Valencia oo marti aheyd.
Real Madrid 0 – 1 Valencia
Qeybtii dambe ayaa la isku soo laabtay iyadoo Real Madrid ay dooneyso iney meel saarto Valencia waxaana ay heleen goolkii barbaraha Sergio Ramos ayaana daqiiqadii 59-aad ee ciyaarta u saxiixay.
Real Madrid 1 – 1 Valencia
Valencia ayaa mar kale leyli u dirtay wiilasha Ancelotti markii Daniel Parejo uu 6-daqiiqo kadib goolkii barbaraha ka dhaliyay goolkii labaad taasoo rajada ku xumeysay Madrid.
Real Madrid 1 – 2 Valencia
Los Blancos-ka ayaa dadaal dheeri ah galay iyagoo la imaan waayay goolka barbardhaca ilaa daqiiqada ugu dambeysay ciyaarta, Cristiano Ronaldo ayaana dhaliyay gool qurux badan oo la dhihi karo waa goolkii ugu qurxoonaa ebid uu dhaliyo.
DAAWO GOOLKII RONALDO EE BARBARDHACA:
DAAWO SAWIRO DHEERI AH:
