Sida ay shaacisay jariirada Spain kasoo baxda ee AS kooxda ka dhisan gobolka Catalonia ee Barcelona ayaa si layaab leh dalab ugu dhaqaaqday saxiixa kubad sameeyaha Barcelona Juan Manuel Mata kaas oo wax ka yar hal xili ciyaareed u ciyaaray kooxda Manchester United.
Juan Mata ayaa noqday saxiixa ugu qaalisan ee kooxda bishii January ee kal hore isagoo ku sugan Old Trafford mudo 4-bilood ah waxaana si layaab leh dalab ugu soo diray kooxda Barcelona.
Macalinka cusub ee Barcelona Luis Enrique ayaa xushmad weyn u haya Mata sidoo kalana Barcelona ayaa gali doonta xaalad kala guur ah madama ay ciyaartoy badan ka tagi doonto kuwa kalana la keeni doono.
Juan Mata ayaa spain horay uga soo ciyaaray isagoo ku sugnaa Valencia wuxuuna kasoo guuray 2010 markaas oo uu ku biiray kooxda Chelsea ee ka dhisan Galbeedka London.
Si Kastaba Barca ayaa jawaab ka sugeysa Mata iyo Kooxdiisa Manchester United.
