Tababaraha kooxda Arsenal ayaa iska diiday inuu isticmaalo Tatikhada Loogu Magac Daray “Baakinka Buska” ee uu isticmaalo Jose Mourinho si kooxdiisa ay koob u qaado xili ciyaaredka soo aadan ama xitaa Finalka FA Cupka.
Arsene Wenger ayaana iska diiday in Taatikadaas ay tahay mid wanaagsan, soo jeedin badan oo loo soo jeediyay Wenger kadib markii ay guuldarooyin xun ku dhaceen xili ciyaareedkaan Wenger ayaa aaminsan in Kubadad Tiki-taka ee ay Arsenal ciyaarto ay tahay dooqiisa koowaad isla markaana uusan isticmaali doonin Taatikadaas xitaa hadii Ay Arsenal kaga baxeyso abaarta koob la’aan ee heysata mudada dheer.
Gunners ayaa lagu tiriyaa kooxaha fara ku tiriska ah ee ciyaara kubada Tiki-taka ee ay Barcelona caanka ku tahay waana kooxda ugu kubada qurxoon dalka Ingiriiska marka la fiiriyo habka isku dhiib-dhiibka kubada inkastoo awood loo sheegto.
“Waxaan filayaa in taatikadaas aysan soo jiidasho laheyn, sababtoo ah ma dooneyno inaan noqono kuwo kubadooda lagu caajiso”
“Kaliya haatan waxaan dheelnaa kubad dheeli tiran oo awoodeena ka turjumeysa, waa inaad dheeshaa qabka lagugu bartay sanado badan ka hor, mana ahan inaan haatan u badalno qaabkeenii soo jireenka ahaa qaab aysan dadka qaar ku farxin” Ayuu yiri Arsene Wenger oo u muuqda mid dhaleeceeyay Taatikada Jose Mourinho.
Arsenal ayaa galabta la ciyaari doonta West Bromwich Albion kulan ka tirsan horyaalka Ingiriiska oo geeska Afrika laga daawan doono 3:30 Galabnimo,
